Græn starfsemi í stað mengandi stóriðju
Setja bókamerki
„Hvaða starfsemi viljum við sjá til framtíðar í Straumsvík?“ Þessarar spurningar spyr Björt Ólafsdóttir, fyrrverandi umhverfisráðherra og þingmaður Bjartrar framtíðar vegna fregna af mögulegri lokun álversins. Hún segist vilja græna starfsemi í stað mengandi stóriðju.
„Það er löngu tímabært að fara að velta því upp, gera sér í hugarlund. Hvaða græna starfsemin gæti nýtt sér þessa frábæru staðsetningu, höfnina, nálægðina við flugvöllinn, tæra vatnið sem rennur í stríðum straumi þarna undan hrauninu. Fólkið sem býr þarna og vinnandi hendur og kollar þess. Húsnæðið allt og síðast en ekki síst tengingar rafgmans,“ skrifar Björt á Facebook-síðu sína.
Hún veltir upp möguleikum eins og gróðurhúsi eða fiskeldi á landi og segir að möguleikarnir séu endalausir.
„Sér fólk ekki alveg fyrir sér grænt klasasamtarf 3-4 fyrirtækja sem geta unnið þarna í samlegð með fjölbreytt störf fyrir fólkið í kring, með lágmarks losun og það besta:
Starfsemi sem kemur okkur Íslendingum út úr kolefnislosnunar skammarkróknum sem mengandi stóriðjur hafa komið okkur í,“ skrifar fyrrverandi umhverfisráðherra.
Um 3.800 flutt til landsins í ár
Slasað barn fær ekki styrk vegna leigu á hjólastól
Glíma enn við eftirköst E.coli-smits í Efstadal
Munu áfrýja beint til Hæstaréttar
„Einhverjir töfrar sem gerast“
Innlend hópsýking lifrarbólgu B
Sleginn yfir grófri framkomu gegn fjölskyldunni
Komu fólki til aðstoðar í Ísafjarðardjúpi
