Japanski bifreiðaframleiðandinn Nissan hefur höfðað mál á hendur fyrrverandi forstjóra fyrirtækisins, Carles Ghosn, og krefur hann um 90 milljónir dollara í skaðabætur, eða sem nemur rúmum 11,4 milljörðum króna. 

Ghosn er sakaður um skattsvik, að hafa ekki gefið rétt­ar upp­lýs­ing­ar um laun sín og fyr­ir að hafa notað eign­ir fyr­ir­tæk­is­ins til per­sónu­legra nota utan vinnu­tíma. Hann var upp­haf­lega hand­tek­inn í Tókýó 19. nóv­em­ber 2018 og ákærður fyr­ir fjár­mála­m­is­ferli. Þann 6. mars í fyrra var hon­um sleppt gegn trygg­ingu en hand­tek­inn aft­ur í byrj­un apríl vegna nýrra saka. Hann var fljót­lega eft­ir það lát­inn laus gegn trygg­ingu og sat í stofufang­elsi frá þeim tíma, allt þar til hann flúði með dularfullum hætti frá Tókýó til Beirút í Líbanon í lok síðasta árs.  

Frétt af mbl.is

Hvernig tókst Carlos Ghosn að flýja?

Stjórnendur Nissan segjast vilja fá til baka hluta þess fjármagns sem fyrirtækinu varð af vegna gjörða Ghosn. 

Ghosn segir Nissan halda áfram í herferð sinni gegn honum. Fyrirtækið hyggst einnig lögsækja Ghosn vegna „ástæðulausra og ærumeiðandi“ ummæla sem hann lét falla á blaðamannafundi í Beirút eftir að hann flúði þaðan frá Tókýó.

Tengdar fréttir

Car­los Ghosn

„Loksins fékk ég að segja frá“

• Feðgar framseldir vegna flótta Ghosn
• Feðgar handteknir í tengslum við flótta Ghosn
• „Hefur þú einhvern tímann verið í kassa?“
• Segir saksóknara hafa hótað fjölskyldu sinni

» Fleiri tengdar fréttir

• Blogga um frétt