Senda inn efni
Breytingar á virkni og útliti mbl.is
Frá mánudeginum 26. nóvember verða töluverðar breytingar á útliti og virkni vefja mbl.is. Mið var tekið af nýjum hugmyndum um framsetningu efnis og þar má m.a. nefna leturbreytingar, myndastærðir, og almenna tilhneigingu til að hafa yfirbragð vefja léttara og skýrara.
Fyrir breytinguna áttu sér stað mælingar á notkun lesenda með mælingarkerfinu IndexTools. Þar var kortlagt hvernig lesendur nýta sér vefinn. Í framhaldi voru síðan gerðar ýmsar breytingar á virkni vefja, aðgerðum breytt, tenglar færðir til eða fjarlægðir. Þá er vefurinn orðinn enn aðgengilegri fyrir fatlaða og sjónskerta notendur. Aðalmarkmiðið var að gera notendum mbl.is auðveldara að nota vefinn.
Þá var leitað til erlendra og innlendra sérfræðinga varðandi útlit og virkni. Þar má m.a. nefna fyrirtækið Sjá sem sérhæfir sig í viðmóti vefja.
Það sem lesendur munu fyrst sjá er að leiðakerfið er nú breytt. Lögð er áhersla á að fréttavefirnir séu betur afmarkaðir með flipunum efst. Aðgang að öðrum vefjum er síðan að finna efst í vinstra dálki.
Meðal breytinga sem nefna má er að fjöldi frétta hefur aukist á forsíðu mbl.is. Lesendur geta einnig fylgst með því helsta sem er í fréttum efst í hægra dálki. Á hverjum degi eru skrifaðar yfir 100 fréttir á mbl.is. Þetta er því góð leið til að fylgjast með hvað upp úr stendur hverju sinni.
Þá munu vefsjónvarpsfréttir birtast daglega efst á síðunni á tímabilinu 11.30 til 12.00. Þessar sjónvarpsfréttir er hægt að nálgast með því að smella á viðeigandi fréttamyndskeið, en fréttirnar eru uppfærðar eins og þurfa þykir yfir daginn.
Líklega munu spurningar vakna meðal lesenda við þessar breytingar. Einhverjum þeirra spurninga er reynt að svara hér að neðan. Án efa er þetta ekki tæmandi listi. Þeir sem þurfa frekari upplýsingar eða vilja tjá sig um útlitið er bent á að nota eyðublað sem er að finna neðst á þessari síðu til að koma með athugasemdir og spurningar. Þeim pósti verður svarað eftir bestu getu.
Spurt og svarað
Hvernig á ég að breikka skjástærð og stækka letur?
Með því að smella á - og + táknin sem eru fyrir ofan hausinn á forsíðunni. Hægt er að smella oftar en einu sinni á viðkomandi tákn þar til þú ert ánægð/ur með breidd og leturstærð.
Hvert hafið þið flutt tengla sem ég finn ekki lengur?
Byrjaðu að skoða vinstri dálk á vefjunum. Margir tenglar hafa verið fluttir þangað. Þá er neðst á hverri síðu svæði þar sem er að finna ýmsa þjónustu.
Hvar finn ég tengla til að skoða pdf-útgáfu Morgunblaðsins og 24 stunda?
Efst í vinstra dálki eru tenglar sem vísa á þá þjónustu. Þessa tengla má einnig nota ef senda á inn efni ásamt því að fá ýmsar upplýsingar sem tengjast blöðunum.
Hvar finn ég minningargreinar?
Smelltu á Morgunblaðið efst tilk vinstri á forsíðu mbl.is. Í vinstra dálki á síðunni sem opnast er hnappurinn Lífshlaupið. Einnig er hægt að smella á Greinasafn og velja flipann Minningargreinar.
Hvar á ég að senda efni í Morgunblaðið?
Með því að smella á tengilinn Morgunblaðið í vinstra dálki á forsíðu mbl.is
Hvar er leitarboxið sem sem var í vinstra dálki?
Það er nú að finna fyrir ofan hausinn.
Hvar eru innskráningarsvæðin fyrir mismunandi þjónustu mbl.is?
Þau eru alltaf efst í vinstra dálki á þeim vefjum sem bjóða upp á þjónustu sem krefst innskráningar.
Hvernig kemst ég inn á Fasteignavefinn?
Með því að smella á tengilinn í vinstra dálki á forsíðu mbl.is