Sjókvíaeldi stefnir í átt að samþættri hringrás
Setja bókamerki
Hröð tækniþróun á sér nú stað innan fiskeldis í átt að hringrásarhagkerfi þar sem bætt nýting skilar betri umgengni um náttúruna og aukinni þjóðhagslegri hagkvæmni. Eitt af merkilegustu verkefnum í þeim efnum eru tilraunir í Noregi með samþættingu þararæktar og laxeldis.
Fóður er einn stærsti kostnaðarliður í laxeldi og í Noregi fást fyrir hvert kíló af fóðri um 860 grömm af laxi og er þar nýtt 1,5 milljón tonn af fóðri á hverju ári, að því er fram kemur í Morgunblaðinu í dag.
Nýting fóðurs í sjókvíaeldis er ekki góð því um helmingur næringarefna í laxafóðri glatast og dreifist um nærliggjandi svæði við sjókvíarnar.
En hvað ef það væri hægt að nýta þessi næringarefni sem tapast í aðra framleiðslu?
Það er einmitt spurningin sem norska nýsköpunarfyrirtækið Folla Alger AS leitar nú svars við í samstarfi við rannsóknarfyrirtækið SINTEF, fiskeldisfyrirtækið Cermaq, norska tækniháskólann NTNU og háskóla Norður-Noregs (Nord Universitet).
Þaraframleiðslan vekur sérstaka athygli því þari getur nýst í framleiðslu fóðurs fyrir eldisfisk og búfé. Þannig er ætlunin að bæta nýtingu þeirra næringarefna sem sett eru í hið dýra laxafóður. Ekki nóg með það, heldur bindur þarinn einnig koltvísýring sem minnkar kolefnisspor laxeldisins enn meira, sem þegar er með eitt lægsta kolefnisspor í framleiðslu próteins til manneldis.
Nánar er fjallað um málið í Morgunblaðinu í dag.
Myndskeið: Hátt í 140 lömb á tveimur sólarhringum
Kemur ekki til greina að semja við ESB
Mennirnir í haldi lögreglunnar á Suðurnesjum
Fordæmir leyndarhyggju í skólamálum
Fannari líst ágætlega á aðgerðirnar
„Ég hélt ég myndi deyja, með dóttur mína í bílnum“
Um 70 jarðskjálftar í kvikuganginum
Kærir teiknara Vísis til siðanefndar