Myndarleg aukning afla í apríl

Íslenski fiskiskipaflotinn landaði tæplega 155 þúsund tonna afla í apríl síðastliðnum sem er 23% meiri afli en í sama mánuði á síðasta ári, að því er fram kemur á vef Hagstofu Íslands.

Í tonnum munar mest um kolmunna, en bæði var myndarlegum kolmunnakvóta úthlutað og hafa veiðar gengið afskaplega vel í færeysku lögsögunni. Báru skipin 109 þúsund tonn af kolmunna að landi í apríl síðastliðnum en aflinn nam rúm 88 þúsund tonn sama mánuð 2023.

Frétt af mbl.is

„Hafa aldrei upplifað aðra eins kolmunnaveiði“

Í apríl var landað 42.832 tonnum af botnfiskafla sem er 23% meira en í sama mánuð á síðasta ári. Mesta hlutfallslega aukningin í afla var í ýsu og nam hún 74%, en auk þess varð dágóð aukning í karfa og ufsa. Jókst þorskaflinn

Samdráttur varð þó í heildarafla íslensku skipanna ef litið er til tólf mánaða tímabils. Frá maí 2023 til apríl 2024 lönduðu skipin 1.101 þúsund tonn sem er fimmtungi minna en tólf mánuðina á undan.

Loðnubresturinn á þessu ári hefur afgerandi áhrif á samdráttinn þar sem munar um 330 þúsund tonn. Á móti kemur að kolmunnaaflinn eykst um 14% og makrílaflinn um 9%.

• Blogga um frétt