Ísraelsher sagðist í morgun ætla að flytja á brott um 100 þúsund manns frá austurhluta borgarinnar Rafah á suðurhluta Gasasvæðisins vegna fyrirhugaðrar árásar þar á jörðu niðri.

„Matið er að þetta verði um 100 þúsund manns,” sagði talsmaður hersins við blaðamenn þegar hann var spurður hversu margir yrðu fluttir á brott.

Frétt af mbl.is

Þrír létust í árásinni og tólf særðust

Um 1,2 milljónir manna hafa leitað skjóls í Rafah, að sögn Alþjóðaheilbrigðismálastofnunarinnar. Flestir þeirra hafa flúið frá öðrum svæðum á Gasa á meðan á sjö mánaða stríðinu hefur staðið á milli Ísraels og Hamas-samtakanna.

Að sögn talsmannsins er brottflutningur fólksins „hluti af áætlun okkar um að stöðva Hamas…við vorum minntir á ofbeldisfullan hátt á viðveru þeirra og möguleika þeirra í Rafah í gær”.

Frétt af mbl.is

Loka landamærum að Gasa eftir árás

„Við ráðumst í þennan brottflutning til að koma í veg fyrir að fólk meiðist.”

Þrír ísraelskir hermenn voru drepnir í gær og tugir særðust, að sögn Ísraelshers, þegar eldflaugum var skotið í átt að landamærunum Kerem Shalom á milli Ísraels og Gasa.

Tengdar fréttir

Ísrael/Palestína

Hótar að segja sig úr þjóðstjórninni

• Fluttu lík Benjamín frá Gasa
• Lík þriggja gísla flutt til Ísrael
• Fyrstu hjálpargögnin tekin að berast
• Ísraelsher drap fimm hermenn úr eigin röðum

» Fleiri tengdar fréttir

• Blogga um frétt