Starfsmaður Sameinuðu þjóðanna, SÞ, sem sinnti öryggismálum var drepinn í árás á bíl á Gasavæðinu í gær, að sögn talsmanns hjá SÞ.

Annar starfsmaður særðist.

Starfsmaðurinn er sá fyrsti frá Sameinuðu þjóðunum sem ekki er frá Palestínu sem er drepinn síðan stríðið hófst á svæðinu. Þjóðerni hans hefur ekki verið gefið upp. Ekki hefur heldur komið fram hver bar ábyrgð á árásinni. 

Hún var gerð þegar starfsmennirnir voru á leið til Evrópska sjúkrahússins skammt frá borginni Rafah.

Að sögn talsmannsins hafa um 190 palestínskir starfsmenn Sameinuðu þjóðanna verið drepnir síðan stríðið hófst. Flestir störfuðu þeir hjá Palestínuflóttamannaaðstoð stofnunarinnar, UNRWA.

Tengdar fréttir

Ísrael/Palestína

Óskar eftir skoðun á verkferlum lögreglu

• Gjöreyðing Hamas undanfari friðar
• „Það svíður enn, það svíður allan daginn“
• Mannúðaraðstoð ekki að berast til óbreyttra borgara
• „Þyngra en tárum taki“ – Vert að skoða þvinganir

» Fleiri tengdar fréttir

• Blogga um frétt