Úkraínumenn hafa dregið hersveitir sínar til baka í þó nokkrum þorpum í austurhluta héraðsins Karkív í Úkraínu.
Rússar hafa sótt fram og gert árásir á byggðir á svæðinu meðfram landamærunum að Úkraínu frá því í síðustu viku, að sögn úkraínska hersins.
„Á sumum svæðum, í kringum Lúkjantsí og Vovtsjansk, til að bregðast við skothríð óvinarins og árásum hersveita á jörðu niðri og til að bjarga lífi hermanna okkar og komast hjá frekari missi, hafa hersveitir okkar fært sig og farið á betri staði,” sagði úkraínski herinn í tilkynningu.
Rússar sögðust í morgun hafa skotið niður 17 úkraínska dróna sem var beint að birgðastöð fyrir eldsneyti í borginni Rostov í suðurhluta Rússlands.
Höfuðstöðvar rússneska hersins í stríðinu gegn Úkraínu eru staðsettar í sömu borg.