Íslendingar urðu hlutskarpastir á Evrópumóti í sjóstangaveiði sem haldin var í Suður–Afríku í lok nýliðinnar viku. Íslenska liðið skipuðu þeir Skarphéðinn Ásbjörnsson, Gunnar Jónsson og Arnar Eyþórsson. Keppnin að þessu sinni var svokölluðu Big Game keppni sem við þýðum sem stórfiskaveiði, og haldin á EFSA sem eru Evrópusamtök sjóstangaveiðimanna.
Íslenska liðið landaði átta guluggum eða yellowfin tuna og tryggði sér sigurinn með nokkrum yfirburðum, þar sem liðið í öðru sæti landaði fimm slíkum fiskum.
Skarphéðinn Ásbjörnsson var liðsstjóri íslensku sveitarinnar og fór hann í fararbroddi sinna manna og varð stigahæsti keppandinn á mótinu með 130 stig. Tveir aðrir keppendur hlutu einnig 130 stig en þá er horft til þess hver landaði fyrsta fisknum og þar með var Skarphéðinn í efsta sæti.
Stærstu fiskarnir sem íslenska sveitin landaði var í kringum áttatíu kíló og fengu bæði Skarphéðinn og Gunnar slíka fiska.
Keppnin fór fram frá Hout Bay og var veiðislóðin um 15 - 20 sjómílur vestan við Góðravonarhöfða. Upphaflega átti keppnisstaðurinn að vera Simons Town en vegna göngumynsturs guluggans var hún færð til Hout Bay.
Þetta er fyrsti Evrópumeistaratitill sem íslenskt lið vinnur í sjóstangaveiði utan íslensku lögsögunnar. Árin 1968 og 1974 unnu Íslendingar Evrópumót sem haldin voru hér við land. En langt er um liðið og eins og fyrr segir var þetta fyrsti titillinn sem vinnst utan Íslands.
Stigafjöldi íslenska liðsins var 360 en ekkert annað lið í keppninni náði 200 stigum og sigurinn því býsna öruggur.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |