Chelsea vann fimm marka spennutrylli
Setja bókamerki
Chelsea hafði betur gegn Nottingham Forest, 3:2, í æsispennandi leik í 37. umferð ensku úrvalsdeildarinnar í knattspyrnu í Nottingham í kvöld.
Chelsea heldur kyrru fyrir í sjöunda sæti og er nú með 57 stig, jafnmörg og Newcastle United í sætinu fyrir ofan.
Forest er áfram í 17. sæti með 29 stig, þremur stigum fyrir ofan fallsæti en með töluvert betri markatölu en Luton Town í sætinu fyrir neðan þegar bæði lið eiga einungis einn leik eftir.
Mykhailo Mudryk kom Chelsea í forystu eftir aðeins átta mínútna leik þegar hann lagði boltann í fjærhornið vinstra megin úr vítateignum eftir glæsilega stungusendingu Coles Palmers.
Skömmu síðar, á 16. mínútu, jafnaði Willy Boly metin með skalla af stuttu færi eftir aukaspyrnu Morgan Gibbs-White.
Staðan var jöfn, 1:1, í hálfleik.
Þrjú mörk á sjö mínútum
Stundarfjórðungi fyrir leikslok kom Callum Hudson-Odoi heimamönnum í Forest í forystu í fyrsta sinn í leiknum og það gegn uppeldisfélagi sínu.
Fékk hann þá boltann frá Gibbs-White og kláraði með glæsilegu skoti utarlega vinstra megin úr teignum.
Skömmu síðar, á 80. mínútu, jafnaði varamaðurinn Raheem Sterling metin fyrir Chelsea með keimlíkur, hnitmiðuðu skoti.
Aðeins tveimur mínútum síðar kom Nicolas Jackson Chelsea yfir á ný þegar hann skallaði boltann í autt markið eftir laglega fyrirgjöf varamannsins Reece James frá hægri.
Reyndist mark Jacksons, sem hefur nú skorað 14 mörk á sínu fyrsta tímabili í ensku úrvalsdeildinni, vera sigurmarkið.
„Sérstök upplifun að kjósa sjálfan sig“
Katrín óskar Höllu til hamingju
Beint: Talið upp úr kjörkössunum
Fékk ekki að kjósa á kjörstað
Sjöundi forseti Íslands kjörinn í dag
„Skoðanakannanirnar eru ekkert alveg með þetta“
Sprunga virðist hafa opnast við varnargarð