Lokahófi United aflýst

Enska knattspyrnufélagið Manchester United hefur aflýst lokahófi félagsins. Félagið heldur lokahófið árlega þar sem bestu leikmenn tímabilsins eru verðlaunaðir.

Tímabilið hefur verið slakt hjá United og þá á liðið bikarúrslitaleik gegn Manchester City fimm dögum eftir að lokahófið átti að fara fram.

Er í annað skipti á þremur árum sem hætt er við lokahófið en það var einnig gert tímabilið 2021/22 eftir slaka leiktíð. 

United er sem stendur í áttunda sæti ensku úrvalsdeildarinnar.  

• Blogga um frétt