Skara er komið í forystu gegn Sävehof í undanúrslitum í úrslitakeppni sænska handboltans eftir útisigur í fyrsta leik í kvöld, 24:23.
Jóhanna Margrét Sigurðardóttir átti stórleik fyrir Skara og skoraði átta mörk. Var hún markahæst í sínu liði. Hún gerði fjögur af fimm síðustu mörkunum á spennandi lokakafla.
Áldís Ásta Heimisdóttir gerði eitt mark fyrir Skara, en þrjá leiki þarf til að fara í úrslitaeinvígið.