Þú lendir í útistöðum við náinn vin og tilfinningar þínar eru í uppnámi. Forðastu að vera með stóryrtar yfirlýsingar um líf annarra.
Þú kemst að því að þú hefur gengið of langt gagnvart sjálfum þér. Gættu þess að hleypa ekki of mörgum að þér og vandaðu val þeirra.
Ekki lenda í rifrildi við samstarfsfólk og ekki kenna öðrum um þótt snurða hlaupi óvænt á þráðinn. Það er óþarfi að segja allt sem maður hugsar.
Það hefur ekkert upp á sig að stinga höfðinu í sandinn. Hægðu á þér og teldu upp að tíu áður en þú hefst handa. Vertu varkár og segðu ekkert fyrr en þú ert alveg viss.
Þú hefur ákveðnar hugmyndir en vinir þínir vilja draga úr framkvæmdagleði þinni. Til að vera í nú-inu þarftu að hætta sjálfsgagnrýni.
Ekki hengja þig í smáatriði eða hræðast að geta ekki gert allt. Ef þú ferð of geyst í hlutina áttu á hættu að missa stuðning þeirra, sem skipta sköpum upp á framhaldið.
Vertu opinn fyrir skemmtilegum hugmyndum. Mundu að hver er sinnar gæfu smiður og þú getur ekki sakast við neinn nema sjálfan þig ef málin eru komin í óþægilegan farveg.
Þú gætir verið dálítið yfirþyrmandi í dag vegna þess að þú vilt sannfæra aðra um að þú hafir rétt fyrir þér. Farðu þér hægt í peningamálum og málefnum hjartans.
Láttu aðra sem mest um sín mál og einbeittu þér að því að leysa þín eigin. Láttu sjálfan þig ganga fyrir til að byrja með.
Nú væri kjörið að gera umbætur heimafyrir eða í vinnunni. Til þess eru ýmsar leiðir og þú þarft að velja þína af kostgæfni.
Það hefnir sín síðar að stinga höfðinu í sandinn og halda að öll vandamál séu þar með úr sögunni. Gamall vinur hefur samband og kemur þér í betra skap.
Þú þarft að taka þig saman í andlitinu og einbeita þér að því sem fyrir liggur. Notaðu kvöldið til að endurnýja orku þína.