Á síðustu vikum hefur æfingakerfi sem kallast Hyrox verið að gera allt vitlaust um allan heim. Nú er Hyrox-æðið komið til Íslands líka!

Hefðbundin Hyrox-keppni samanstendur af átta mismunandi stöðvum. Áður en farið er á stöðvarnar er hlaupið einn kílómeter. Á stöðvunum eru metrar í SkiErg-skíðavél, sleða ýtt, sleði togaður með reipi, „burpee“ með langhoppi, róður á róðravél, bóndaganga með tvær ketilbjöllur, framstigsganga með þyngd og svokallaðir „wall balls“. 

Þjálfarinn Sara Davíðsdóttir setti saman skothelda Hyrox-æfingu fyrir byrjendur og deildi á TikTok. Í æfingunni er einungis notast við eigin líkamsþyngd og geta æfingarnar verið skalaðar niður eftir getustigi eða gert erfiðari með því að nota lóð. 

Í æfingu Söru eru fjórar stöðvar í staðinn fyrir átta. Þá er fjórum sinnum hlaupið einn kílómeter á meðan það er gert átta sinnum í hefðbundinni Hyrox-keppni. Æfingin hentar því vel fyrir þá sem vilja prófa sig áfram í Hyrox-æfingakerfinu eða fyrir þá sem vilja einfaldlega taka góða æfingu sem keyrir púlsinn upp.

Hyrox-æfing fyrir byrjendur: 

1. 1 km hlaup
2. 80 hnébeygjur
3. 1 km hlaup
4. 80 framstig
5. 1 km hlaup
6. 80 mountain climbers
7. 1 km hlaup
8. 80 uppsetur

Tengdar fréttir

Heilsurækt

„Ef hugarfarið þitt er gott þá mun það alltaf hjálpa til“

• Stjörnur sem þú vissir ekki að hafa hlaupið maraþon
• Sara hætt þátttöku og fer ekki á heimsleikana í ár
• Svona heldur Rúrik sér í formi á ferðalögum
• 10 hlutir sem útivistardrottningar landsins munu elska

» Fleiri tengdar fréttir

• Blogga um frétt