Kylfingurinn Andrea Bergsdóttir gerði sér lítið fyrir og vann sitt fyrsta háskólamót í golfi um síðustu helgi, Collegiate Invitational-mótinu en hún spilar með Colorado State-háskólaliðinu.
Keppt var á Guadalajara Coyntry Club-golfvellinum í Mexíkó en hún lék hringina þrjá á 212 höggum eða fjórum höggum undir pari vallarsins.
Þá gerði hún sér lítið fyrir og fór holu í höggi á 15. braut vallarins á öðrum keppnishring en Andrea hefur verið hluti af A-landsliði Íslands að undanförnu.
Með sigrinum fór hún upp um 279 sæti á heimslista áhugakylfinga og situr sem stendur í 355. sæti listans.