Sérfræðingar á auðlindaskrifstofu sjávarútvegsráðuneytisins vöruðu Jón Bjarnason, þáverandi sjávarútvegs- og landbúnaðarráðherra, við að fyrirhuguð reglugerð um veiðistjórnun á makríl bryti í bága við ákvæði úthafsveiðilaganna. Frá þessu er greint í Fréttablaðinu í dag, sem segir þetta koma fram í undirbúningsgögnum fyrir setningu reglugerðarinnar sem blaðið fékk aðgang að.

Hæstiréttur komst að þeirri niðurstöðu í síðustu viku að ríkið væri skaðabótaskylt vegna úthlutunar makrílkvóta, samkvæmt fyrirkomulagi sem hefur tíðkast frá 2010.

 „Mikilvægt er að ráðherra sé ljóst að við setningu reglugerðar af þessu tagi er verið að teygja sig mjög langt við túlkun heimildar þeirrar sem ráðherra hefur skv. 4. gr. [úthafsveiðilaga],“ segir í minnisblaði tveggja þáverandi sérfræðinga sjávarútvegsráðuneytisins frá 2010 sem Fréttablaðið hefur undir höndum. „Verði látið á það reyna hjá umboðsmanni Alþingis eða fyrir dómstólum er mjög líklegt að niðurstaðan verði sú að ráðherra hafi gengið lengra við setningu reglugerðar en lög heimila.“

Um háar upp­hæðir er að tefla í þessu sam­bandi, en end­ur­skoðun­ar­fyr­ir­tækið Deloitte komst að þeirri niður­stöðu að hagnaðarmiss­ir Ísfé­lags Vest­manna­eyja hefði numið um 2,3 millj­örðum króna og að Hug­inn hefði orðið af um 365 millj­ón­um. 

Tengdar fréttir

Makríldómar Hæstaréttar

Menn geti rétt ímyndað sér afkomu makrílveiða

• Bjarni: „Spyrjum að leikslokum“
• Ríkið hafnaði sátt og tapaði
• Ríkið dæmt í milljarða makrílbætur
• Tjón Hugins metið 540 milljónir í máli gegn ríkinu

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Jón var rekinn heim