Skotinn John Stanley Mutch, sem var í áhöfn breska togarans Notts County  þegar hann strandaði á Snæfjallaströnd í febrúar 1968, færði á miðvikudag Byggðasafni Vestfjarða á Ísafirði minningarskjöld sem hann saumaði út til minningar um Robert Bowie sem lést, ásamt flugmiðanum heim frá íslandi og mynd af togaranum á strandstað, að því er fram kemur í umfjöllun Bæjarins Besta.

Togarinn strandaði í aftakaveðri í febrúar fyrir 50 árum. Sama dag fórst mótorbáturinn Heiðrún II frá Bolungarvík með sex manna áhöfn, þar af föður og tveimur sonum, sem og breski togarinn Ross Cleveland með 19 menn innanborðs.

Sæmdir orðum

Varðskipið Óðinn kom skipverjunum til bjargar og var Sigurður Þ. Árnason, fyrrverandi skipherra Landhelgisgæslunnar, sæmdur bresku OBE-orðunni (e. Officer of the Most Excellent Order of the British Empire) fyrir björgun skipverjanna af Notts County. Fyrsti stýrimaður Óðins, Sigurjón Hannesson og annar stýrimaður, Pálmi Hlöðversson, hlutu þá hvor um sig orðuna The Sea Gallantry Medal of Gold.

Frétt af mbl.is

„Aldrei lent í öðru eins veðri“

„Ég hef aldrei lent í öðru eins veðri og þessa daga,“ var haft eftir Sigurði í Morgunblaðinu í fyrra. „Ég er að verða níræður núna, og maður hefur aldrei starfað við neitt nema sjó og aftur sjó. Samt hef ég ekki séð nokkuð þessu líkt,“ sagði hann.

Óðinn á siglingu. Tveir stýrimenn úr áhöfn skipsins fóru á bát yfir til togarans Notts County.

Tengdar fréttir

Hildarleikur í Djúpinu

Nítján ára í siglingu upp á líf og dauða

• „Aldrei lent í öðru eins veðri“
• Minntust hamfaranna fyrir hálfri öld
• „Hefði ekki þurft að fara svona illa“

• Blogga um frétt