„Núna heitum við Brim“ er yfirskrift tilkynningar frá sjávarútvegsfyrirtækinu Brim hf., sem áður hét HB Grandi. HB Granda-nafnið hefur nú verið lagt alfarið til hliðar, eftir að aðalfundur félagsins samþykkti nafnabreytinguna í gær.

Segir í tilkynningu fyrirtækisins til viðskiptavina, birgja og samstarfsaðila að nýtt nafn falli vel að tilgangi félagsins, sem er að markaðssetja og selja sjávarafurðir á alþjóðamörkuðum. Heimasíða félagsins er nú brim.is og netföng starfsmanna hafa þegar fengið endinguna @brim.is.

Frétt af mbl.is

Kaup á sölufélögum samþykkt

„Brim er einfalt og þjált nafn sem þegar er þekkt á alþjóðamörkuðum fyrir sjávarafurðir. Merkið myndar þrjár öldur. Öldurnar tákna annars vegar brim, sem brýtur nýja leið í viðskiptum og hins vegar tákna þær fisk, sem er tákn fyrir afurðir fyrirtækisins. Blái liturinn stendur fyrir lit sjávarins og silfrið táknar þau verðmæti sem Brim skapar,“ segir í bréfinu, sem Guðmundur Kristjánsson forstjóri, gjarnan kenndur við Brim, undirritar.

Brim var eins og flestir vita heiti á öðru sjávarútvegsfyrirtæki hans, sem tók yfir ráðandi hlut í HB Granda. Brim breytti síðan heiti sínu í Útgerðarfélag Reykjavíkur.

Frétt af mbl.is

Brim verður Útgerðarfélag Reykjavíkur

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt