Unnið er að því að ná vél­bátn­um Blát­indi VE upp, en hann sökk við bryggju í Vest­manna­eyj­um í óveðrinu á föstu­dag. Skipið var smíðað í Eyj­um 1947 og er friðað á grund­velli ald­urs sam­kvæmt lög­um um menn­ing­ar­minj­ar.

Í um­fjöll­un um Blátind í Morg­un­blaðinu í dag seg­ir Krist­ín Hart­manns­dótt­ir, formaður fram­kvæmda- og hafn­ar­ráðs í Vest­manna­eyj­um, ljóst að ein­hverj­ar skemmd­ir hafi orðið á bátn­um og verði tjónið metið þegar bát­ur­inn verður kom­inn á þurrt. Hún seg­ir að menn séu meðvitaðir um friðun báts­ins og hafi Minja­stofn­un óskað eft­ir að fylgj­ast með fram­vind­unni.

Frétt af mbl.is

Bát­ur sökk við bryggj­una í Eyj­um

Krist­ín seg­ir að kafari hafi myndað Blátind á botn­in­um og reynt að meta tjónið. Skemmd­ir séu bæði á skut og fremst á dekki, að lík­ind­um eft­ir að bát­ur­inn hafi stung­ist á stefnið þegar hann fór í kaf. Vegna þess­ara og hugs­an­lega fleiri skemmda sé ekki talið ráðlegt að reyna að hífa skipið upp.

Þess í stað sé nú verið að út­vega búnað eins og lyftipyls­ur eða belgi til að lyfta skip­inu. Þetta sé flókið verk­efni þar sem skipið er þungt. Fyr­ir­hugað er að koma Blát­indi fyr­ir í aðstöðu hjá Skipa­lyft­unni við Eiðið. Þar verði vænt­an­lega hægt að draga eða lyfta hon­um á land og meta hversu mikið tjón hafi orðið.

Tengd­ar frétt­ir

Ofsa­veður í fe­brú­ar 2020

Tjón hleyp­ur á hundruðum millj­óna

• Vet­ur­inn óvenju­kostnaðarsam­ur fyr­ir RARIK
• Raf­magnstrufl­an­ir næstu daga og vik­ur
• Ekki leng­ur þörf á að skammta raf­magn á Suður­landi
• Flæmdu ferðamenn af Sól­heimas­andi

» Fleiri tengd­ar frétt­ir