Segir að ummælin hafi verið oftúlkuð
Setja bókamerki
Tengdar fréttir
Makríldómar Hæstaréttar
Sigurgeir Brynjar Kristgeirsson, framkvæmdastjóri Vinnslustöðvarinnar í Vestmannaeyjum, segir að orð hans úr viðtali við Sprengisand á Bylgjunni hafi verið oftúlkuð.
Í viðtalinu var Sigurgeir spurður hvort hann færi sömu leið og fimm útgerðarfélög, sem ákveðið hafa að draga til baka skaðabótakröfu sína á hendur ríkinu vegna úthlutunar makrílkvóta árin 2011-2014. Svaraði hann því neitandi.
Sigurgeir segir hins vegar að þar með sé ekki sagt að félagið hafi tekið ákvörðun um að halda kröfunni til streitu. „Stjórnin [Vinnslustöðvarinnar] fundaði á föstudag um málið. Menn ákváðu að gefa sér tíma í þetta enda ekkert sem hleypur frá okkur,“ segir Sigurgeir. Eitt eða tvö ár geti liðið þar til dómur fellur, ef tekin er ákvörðun um að halda því áfram.
Enn hafi sumsé ekki verið tekin ákvörðun um hvort Vinnslustöðin falli frá skaðabótakröfu á hendur ríkinu.
Hæstiréttur hefur þegar viðurkennt bótaskyldu íslenska ríkisins vegna úthlutunar kvótans, sem ekki er talin hafa verið samkvæmt lögum. Vinnslustöðin gerir kröfu um rúman milljarð króna, sem hún segir tjón sitt af lögbrotinu, en það kemur í hlut dómskvaddra matsmanna að skera úr um tjónið.
Aðspurður segir Sigurgeir að hann hafi skilning á sjónarmiðum þeirra fimm útgerða sem þegar hafa fellt niður skaðabótakröfur sínar. Sömuleiðis skilji hann þá sem séu sárir og reiðir út í félag hans vegna bótakröfunnar.
Tengdar fréttir
Makríldómar Hæstaréttar
Troða upp í minningu Steingríms
Fólk stimplað með kvíða og deyr svo
Óvenju miklar hitasveiflur í Bakkagerði
Ekki útlit fyrir lausasölu á næstunni
„Það þarf að fara að rannsaka hvað er að gerast“
Umdeilt auglýsingaskilti fer fyrir dóm
/frimg/1/50/16/1501697.jpg)
Íslendingar feimnari við að greina frá hættum
„Gamla whitespirit-blandan var alveg eins“