Vinnslustöðin heldur skaðabótakröfu til streitu
Setja bókamerki
Tengdar fréttir
Makríldómar Hæstaréttar
Vinnslustöðin í Vestmannaeyjum mun ekki falla frá skaðabótakröfu sinni á hendur ríkinu vegna úthlutunar makrílkvóta. Frá þessu greindi Sigurgeir Brynjar Kristgeirsson, framkvæmdastjóri Vinnslustöðvarinnar, í þættinum Sprengisandi á Bylgjunni í morgun.
Hæstiréttur hefur viðurkennt bótaskyldu íslenska ríkisins vegna úthlutunar aflaheimilda á makríl á árunum 2011 til 2014, þar sem dómurinn komst að þeirri niðurstöðu að ekki hefði verið fylgt reglum sem kveða á um að miða skuli útdeilingu við veiðireynslu.
Sjö útgerðarfélög stefndu ríkinu í kjölfarið til greiðslu skaðabóta og gerðu sameiginlega kröfu upp á um 10,2 milljarða króna. Fimm af félögunum sjö greindu í síðustu viku frá því að þau hefðu fallið frá kröfunni, en stuttu áður hafði Katrín Jakobsdóttir forsætisráðherra hvatt félögin til þess, og Bjarni Benediktsson fjármálaráðherra hótað því að komi til skaðabótagreiðslna skuli þær greiddar úr vasa útgerðarinnar, væntanlega með hærra veiðigjaldi. Eftir standa tvær, Huginn og Vinnslustöðin.
Í viðtalinu á Sprengisandi sagði Sigurgeir að hann væri afskaplega feginn að vera ekki í hópi þeirra útgerða sem drógu málsókn til baka. „Það er engin launung á því að Ísfélagsmenn sögðu okkur ekki satt þegar þeir kynntu hvað þeir ætluðu að gera,“ segir Sigurgeir, en segist ekki vilja fara nánar út í það.
Fréttin var uppfærð klukkan 14:44
Tengdar fréttir
Makríldómar Hæstaréttar
Sólarhringsaðstoð á hverfastöðvum borgarinnar
Sekt fyrir barnakynlífsdúkkur: Kallaði sjálfur til lögreglu
Myndskeið: Eldingu sló niður í Hallgrímskirkjuturn
Hvetja fyrirtæki til að láta ferðamenn vita
Fær þingsætið þrátt fyrir skilorðsbundinn dóm
/frimg/1/54/68/1546876.jpg)
Rauðar viðvaranir gefnar út
Úrskurðaður í nauðungarvistun þegar morðin voru framin
Lífskjör munu versna ef tollar verða lagðir á