Síldarvertíðinni lauk hjá Vinnslustöðinni í Vestmannaeyjum á þriðjudag eftir að vaktin í uppsjávarvinnslunni lauk við að vinna afla se, Ísleifur VE kom með til hafnar um nóttina.

„Mér er óhætt að fullyrða að þetta sé stærsta síldarvertíðin í sögu Vinnslustöðvarinnar,“ segir Sindri Viðarsson sviðsstjóri uppsjávarsviðs VSV, í færslu á vef fyrirtækisins. En skip fyrirtækisins  færðu að landi yfir 20 þúsund tonn af síld á vertíðinni, sem jafngilda um 10 þúsund tonnum af afurðum.

Huginn VE 55 á síldarveiðum. Ljósmynd/Vinnslustöðin

Fram kemur að starfsfólk í uppsjávarvinnlu Vinnslustöðvarinnar hafi staðið vaktina samfellt frá 12. september þar til vertíðinni lauk. Alls er um að ræða 122 síldarvaktir á tímabilinu, en þar áður höfðu staðið makrílvaktir frá byrjun júlí.

Síldin er aðallega seld til Póllands og fleiri Austur-Evrópuríkja, til Þýskalands og Afríku. Síðastnefndu kaupendurnir vilja síldina heilfrysta en hinir fá flök eða samhangandi flök.

„Við förum nú í það að græja skipin til loðnuveiða og freistum gæfunnar á miðunum fyrir jól. Vonandi veiðist eitthvað á þeim tíma sem eftir lifir af árinu og hugsanlega frystum við eitthvað. Líklegra er samt að stór hluti þess sem kann að fást fari í bræðslu,“ segir Sindri.

Vel gekk að veiða síld á vertíðinni. Ljósmynd/Vinnslustöðin

Tengdar fréttir

Vinnslustöðin

Sömdu um sjálfvirkt flutningskerfi í nýjan togbát

• Ætla að smíða tvö ný fiskiskip
• Greiða 900 milljónir í arð eftir góða afkomu
• Hærri kostnaður með meiri olíu
• Ánægja með þátt Breka og Þórunnar Sveinsdóttur

» Fleiri tengdar fréttir

• Blogga um frétt