Vinnslustöðin stöðvar loðnuveiðar
Setja bókamerki
Tengdar fréttir
Loðnuveiðar
Vinnslustöðin í Vestmannaeyjum hefur hætt loðnuveiðum á meðan skýrist hvort Hafrannsóknastofnun mun mæla fyrir því að heildarkvóti vertíðarinnar verði skertur um 104 þúsund tonn. Þetta kemur fram í tilkynningu á vef útgerðarinnar.
Þar segir að hugsanleg skerðing á aflaheimildum muni þýða að loðnukvóti Vinnslustöðvarinnar, ásamt dótturfélagsins Hugins, verði 9.000 tonn minni en nú er. Eftir skerðingu myndu fyrirtækin hafa heimild til veiða á 36 þúsund tonnum og er verðmætasti hluti vertíðarinnar eftir.
Óþægileg kvótaskerðing
„Auðvitað er þessi kvótaskerðing óþægileg og vekur fleiri spurningar en hún svarar um sjálfa aðferðafræðina við loðnuleit og mælingar á stofnstærð loðnunnar,“ segir Sigurgeir Brynjar Kristgeirsson, framkvæmdastjóri Vinnslustöðvarinnar, í tilkynningunni.
„Ég get út af fyrir sig lýst ánægju með að Hafró birti niðurstöður sínar strax eftir síðari mælingarleiðangur sinn þar sem nokkuð fannst af loðnu. Gott hefði hins vegar verið að heyra strax af því að lítið væri að frétta af loðnu í fyrri leiðangrinum. Málið varðar nefnilega ekki vísindamenn eina heldur sjálfssögðu líka sjávarútvegsfyrirtækin og sjálft þjóðarbúið.“
Hann segir ljóst að fyrirtækin myndu draga úr veiðum ef þau hefðu frétt af því fyrr að heildarkvóti loðnuvertíðarinnar kynni að verða skertur. „Verðmætasti hluti vertíðarinnar er eftir, það er að segja hrognafrystingin. Bakslagið sannar fyrir mér að mikið skortir á grunnrannsóknir í loðnu og þar þarf að verða breyting á.“
Tengdar fréttir
Loðnuveiðar
Kemur ekki til greina að semja við ESB
Urðu ekki vör við kvikuhlaup
„Mjög miður að af þessu hljótist kostnaður“
Aldraðir beittir ofbeldi
Meti umsóknir um ríkisborgararétt
Mennirnir í haldi lögreglunnar á Suðurnesjum
„Bíð bara eftir að það fari að gjósa aftur“