Afkoma í sjávarútvegi ekki betri en í öðrum greinum
Setja bókamerki
„Í oft og tíðum ruglingslegri umræðu um sjávarútveginn hafa margir lagt lykkju á leið sína til þess að halda því fram að hagnaður og afkoma fyrirtækja þar sé önnur og betri en þekkist í íslensku samfélagi. Það geri síðan fyrirtækjum í sjávarútvegi kleift að kaupa „upp“ aðrar atvinnugreinar. Ekkert er fjær lagi, því fyrirtæki í sjávarútvegi eru ekki með betri afkomu en gengur og gerist og arðsemi þar er síst meiri en við eigum að venjast á íslenskum fyrirtækjamarkaði.“
Þetta segir Svanur Guðmundsson, sjávarútvegsfræðingur og framkvæmdastjóri Bláa hagkerfisins, í aðsendri grein í Morgunblaðinu í dag.
HAnn segir jafnframt liggja fyrir að því meiri sem framlegð fyrirtækja í sjávarútvegi sé, því meira fáist í ríkissjóð með auðlindagjöldum. „Ef fyrirtækjum í sjávarútvegi tekst að bæta afkomu sína, þá græðir þjóðin í formi hærri auðlindagjalda, aukinna skattgreiðslna og vaxandi gjaldeyristekna.“
Í greininni ber Svanur saman framlegð og ávöxtun eigin fjár nokkurra atvinnugreina á grundvelli ársreikninga 900 félaga frá árunum 2020 og 2021.
„Það er óhætt að segja að afkoman í sjávarútvegi sé síður en svo einstök og satt best að segja ekkert sérstök. Við sjáum einnig af myndinni að það eru svipuð arðsemishlutföll í sjávarútvegi og mannvirkjagerð þó að markaðshlutdeild í sjávarútvegi sé dreifðari,“ skrifar hann í greininni.
Grein Svans má lesa í Morgunblaðinu í dag eða í netvænni útgáfu hér.
Ísland á HM eftir annan stórsigur
Sundagöng betri en Sundabraut
„Þetta þarf að fara að gerast“
Stjórnvöld brjóti gegn alþjóðlegum skuldbindingum
Sviss vann Eurovision
Goslok hafa ekki áhrif á vinnuna
Mútuðu japanskri mafíu