Afsal vegna sölu skipanna Ægis og Týs var undirritað á skrifstofu Landhelgisgæslunnar í Skógarhlíð í gær og þau afhent nýjum eiganda.. Festi Fagur ehf. kaup á skipunum tveimur og fór að undirritun lokinni fram virðuleg kveðjuathöfn um borð í Ægi og Tý við Sundahöfn.

„Áhafnir beggja skipa tóku þátt í fjölmörgum eftirminnilegum björgunarafrekum. Ægis og Týs bíður nú nýtt hlutverk og óhætt er að segja að þau hafi reynst hin mestu happafley,“ segir Ásgeir Erlendsson, upplýsingafulltrúi Landhelgisgæslunnar.

Urðu við þetta kaflaskil hjá Landhelgisgæslu Íslands. Virðuleg kveðjuathöfn fór fram um borð í Ægi og Tý við Sundahöfn þar sem fyrrverandi skipverjar drógu skutfánann niður á meðan starfsmenn Landhelgisgæslunnar stóðu heiðursvörð. 

Meira í Morgunblaðinu.