Þorsteinn Már Baldvinsson, forstjóri Samherja, segir í bréfi til samstarfsfólks síns í dag að sett hafi verið upp heimasíða í Bretlandi undir nafni og merki Samherja, og falsfréttum dreift þaðan.

Hann segir að einstaklingur hafi lýst verkinu á hendur sér og að viðkomandi segi það hluta af listgjörningi. Þá greinir forstjórinn frá því að höfundurinn hafi einnig reynt að hafa fé af Samherja.

„Þá er rétt að greina frá því að í þessari misnotkun fólst ekki einungis listrænn tilgangur eins og höfundur heldur fram, því auk þess var reynt að hafa fé af Samherja með því að fela auglýsingastofu birtingu á auglýsingaefni af sama tagi gegn greiðslu frá Samherja,“ segir í bréfinu.

Frétt af mbl.is

Afsökun ekki á vegum Samherja

Krefjast lokunar heimasíðunnar

Þorsteinn Már segir í bréfinu að Samherji geti ekki unað misnotkun af þessu tagi og segir þá afstöðu ekki hafa með list eða tjáningarfrelsi að gera heldur endurspegli hún skýlausan rétt og skyldu Samherja til að vernda vörumerki félagsins. 

„En það höfum við byggt upp af kostgæfni á undangengnum fjórum áratugum um allan heim.“

Segir Þorsteinn að Samherji muni gera kröfu um að heimasíðunni verði lokað og misnotkunin á vörumerki félagsins ekki látin viðgangast.

Tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: RSK-miðlar og listræn fjárkúgun