Málmey SK-1 landaði 147 tonnum á Sauðárkróki í dag og var um að ræða lang mest af þorski, en einnig nokkuð um karfa og ýsu. Fram kemur á vef FISK Seafood að skipið hafi meðal annars verið á veiðum á Nesdýpi.

Um er að ræða aðra löndun Málmeyjar í þessum mánuði en skipið landaði síðast 2. júní eftir góða veiði á Halanum. Nam aflinn 172 tonnum af blönduðum afla, mest þorski, ýsu, ufsa og karfa. Í kjölfarið var gert hlé á veiðum, enda sjómannadagur 4. júní.

Þá hefur Drangey einnig landað afla á Sauðárkróki í mánuðinum, nánar til tekið í gær þegar skipið kom til hafnar með 166 tonn. Uppistaða aflans var þorskur, karfi og ýsa sem fékkst meðal annars á Halanum.

Skipin tvö hafa því landað 485 tonnum á Sauðárkróki það sem af er júní en FISK Seafood gerir út bæði skipin.

Tengdar fréttir

FISK Seafood

Kaupa 100 tonna kvóta af Saltveri

• 300 milljóna króna afla landað á Sauðárkróki
• Ný ytri höfn forsenda uppbyggingar
• Gott veður og ágætis veiði hjá Málmey
• Skip FISK Seafood lönduðu 240 tonnum í dag

» Fleiri tengdar fréttir

• Blogga um frétt