Frá því að laxar sluppu úr sjókví Arctic Fish í Patreksfirði í ágúst hefur Hafrannsóknastofnun staðfest eldisuppruna 164 laxa með útlits- og erfðagreiningu. Þar af er 161 lax úr sjókvínni í Patreksfirði og hafa eldislaxar veiðst í 44 ám.

Tveir laxar sem bárust stofnuninni með möguleg ytri eldiseinkenni reyndust villtir íslenskir laxar, einn úr Mjólká í Arnarfirði og einn úr Hólsá á Suðurlandi.

Þetta kemur fram í tilkynningu á vef Hafrannsóknastofnunar.

Yfirlit yfir veiði staðfestra og meintra eldislaxa í ám sem borist hafa Hafrannsóknastofnun. Stærð hringja tákna hlutfallslegan fjölda fiska. Rauður eru eldislaxar sem búið er að greina og gulur meintir eldislaxar í greiningu. Mynd/Hafrannsóknastofnun

Tvö göt fund­ust á kví núm­er átta hjá Arctic Seafarm (dótt­ur­fé­lags Arctic Fish) í Kvíg­ind­is­dal í Pat­reks­firði í ágúst. Lágu göt­in lóðrétt hvort sín­um meg­in við svo­kallaða styrkt­ar­línu, hvort um sig 20 sinn­um 30 senti­metr­ar að stærð.

Í til­kynn­ingu frá Arctic Seafarm sagði að göt­un­um hefði verið lokað um leið og voru all­ar kví­ar á svæðinu skoðaðar. Í kví átta voru 72.522 fisk­ar og meðalþyngd hvers þeirra um sex kíló. Í fyrstu var ekki vitað hvort fiskar hefðu sloppið en síðar kom í ljós að þeir kynnu að vera um 3.500 talsins sem struku.

Frétt af mbl.is

Telur strokulaxa í Ísafjarðará ógna uppbyggingu

Alls hefur stofnuninni borist 306 laxar sem grunur er um að séu strokulaxar ú Patreksfirði og á því eftir að erfðagreina 142 laxa. Sú vinna fer nú fram hjá Matís.

Hafrannsóknastofnun eru enn að berast meintir eldislaxar til greiningar. „Hafrannsóknastofnun þakkar veiðimönnum sem skilað hafa fiskum til greiningar og áréttar mikilvægi þess til að fá sem besta mynd af umfangi eldislaxa í ám og dreifingu þeirra,“ segir í tilkynningunni.

Tengdar fréttir

Fiskeldi

Felldi niður rannsókn á AF í annað sinn

• Aldrei meira af íslenskum eldisfiski
• Laxey fjárfestir í búnaði frá Marel
• Framleiddu 502 þúsund tonn af laxi
• Opnar kvíar bannaðar á vesturströnd BNA

» Fleiri tengdar fréttir

Hafrannsóknastofnun

Fengu fjarstýrðan kafbát

• Þorskar undir meðalþyngd fyrri ára
• Jónbjörn setti nafn sitt á nýja tegund
• Fjárfestu í nýjum rannsóknabúnaði
• Auglýsa Bjarna Sæmundsson til sölu

» Fleiri tengdar fréttir

Slysslepping í Patreksfirði 2023

Strokulaxar setja mark sitt á laxveiðiár

• Ákvörðun lögreglustjórans kærð
• Lögreglan hættir að rannsaka Arctic Sea Farm
• Þriðja kafarasveitin frá Noregi er mætt
• Náðu 18 strokulöxum í ám fyrir vestan

» Fleiri tengdar fréttir

• Blogga um frétt