Sigurvin kominn inn til hafnar á Siglufirði

Björgunarskipið Sigurvin kom inn til hafnar á Siglufirði um klukkan hálf tvö í dag með bát í togi. Kælivökvi fór af kerfi bátsins og var því ekki gangfær að sögn Jóns Þórs Víglundssonar, upplýsingafulltrúa Landsbjargar. 

Frétt af mbl.is

Sigurvin í útkall á Skjálfanda

Sigurvin sótti línu- og handfærabátinn Petru ÓF 88 við Flatey á Skjálfanda í morgun og sigldi með hann inn á Siglufjörð. 

Tveir skipverjar voru um borð. 

Jón Þór nefnir að einnig hafi komið upp útkall á björgunarbát Landsbjargar á Flateyri í morgun. 

Sá bátur féll úr sjálfvirkri tilkynningarskyldu og náðist ekki samband við. 

Skömmu eftir útkallið náðist þó samband við bátinn sem var í mynni Önundarfjarðar og útkallið var afturkallað.

Petra ÓF 88. mbl.is/Þorgeir

Ljósmynd/Landsbjörg

• Blogga um frétt