Afmælishátið Kvartmíluklúbbsins verður haldin á Kvartmílubrautinni í Kapelluhrauni á morgun, laugardaginn 4. júní.
Mótið stendur yfir frá því klukkan 10 fyrir hádegi til 18. Boðið verður upp á fjölbreytta dagskrá. Fyrir utan sýningu á tryllitækjum, bílum og mótorhjólum verður meðal annars keppt í kvartmílu, götuspyrnu, rallý, hringakstri og drifti.
Þá fer einnig fram svonefnd prjónkeppni á mótorhjólum, Team Spark sýnir kappakstursbíl sinn og loks verður haldin sýning í driftakstri.