Bílaframleiðandinn Kia og bílaumboðið Askja hafa komist að samkomulagi um að lækka verð á vinsælum tegundum rafbíla.
Fram kemur í tilkynningu að Askja hafi unnið að því með framleiðanda að útvega betra verð í takt við sterka markaðsstöðu á Íslandi.
„Lækkandi framleiðslukostnaður og sterk hlutdeild Kia á Íslandi eru meginástæður þess að verð á Kia Niro og Kia EV6 er nú betra en fyrir áramót,” segir í tilkynningunni.
Kia er önnur mest skráða bílategundin á Íslandi síðasta áratuginn. Á síðasta ári var Kia þriðja mest selda merkið á Íslandi og eitt af þremur á markaði með yfir 11% markaðshlutdeild.
Kia hyggst framleiða 15 gerðir rafbíla fyrir árið 2027.