Jepparnir nutu athygli

Jepparnir nutu athygli gesta á jeppasýningu bílaumboðsins Ísband um helgina, en fjöldi fólks lagði leið sína í höfuðstöðvar umboðsins í Mosfellsbæ til að skoða og spá í hin öflugu farartæki  sem þar gaf að líta.

Í sýningarsalnum að Þverholti 6 var sýnt glæsilegt úrval breyttra Jeep jeppa  og breyttir RAM 3500 pallbílar.

Tvær frumsýningar voru á sýningunni, Jeep Wrangler Rubicon með 40” breytingu og RAM 3500 einnig með 40” breytingu.  Jeep Wrangler Rubicon var einnig sýndur með 35” og 37” breytingu. 

Ísband sýndi einnig Jeep Grand Cherokee með 33” og 35” breytingu sem og RAM pallbíla með 35” og 37” breytingu. Fyrirtækið er umboðaðili amerísku breytingafyrirtækjanna AEV og Teraflex og gátu sýningargestir séð nýja Jeep jeppa og RAM pallbíla með allra nýjustu breytinga- og aukahlutum frá þessum tveimur fyrirtækjum.