Dómstóll á Indlandi hefur komist að þeirri niðurstöðu að ein skærasta stjarna Bollywood, Salman Khan, hafi gerst sekur um veiðiþjófnað árið 1998. Khan drap tvær antilópur af fágætri tegund er hann var við tökur á kvikmynd í Rajasthan-ríki.
Fjórir aðrir leikarar sem voru einnig á þessum tökustað voru einnig ákærðir fyrir veiðiþjófnað en hafa nú verið sýknaðir.
Khan gæti átt von á því að fá 1-6 ára fangelsisdóm fyrir brot sitt. Hann getur áfrýjað dómnum.
Þetta er ekki í fyrsta sinn sem Khan kemst í kast við lögin. Í desember árið 2015 var hann sýknaður fyrir að hafa ekið á og drepið heimilislausan mann og síðan flúið af vettvangi.