Konur Krúnunnar sniðgengnar
Setja bókamerki
Hvorki Gillian Anderson, Emma Corrin né Olivia Colman eru tilnefndar til sjónvarpsverðlauna BAFTA. Allar fóru með veigamikil hlutverk í þáttunum The Crown sem slógu í gegn á síðasta ári. Tilnefningarnar voru opinberaðar í gær en hátíðin fer fram 6. júní næstkomandi.
The Crown var þó ekki algjörlega sniðgengin en leikararnir Josh O'Connor, sem fór með hlutverk Karls Bretaprins í þáttunum, og Tobias Menzies, sem fór með hlutverk Filippusar prins, hlutu tilnefningu. Helena Bonham Carter var einnig tilnefnd fyrir túlkun sína á Margréti prinsessu.
Anderson fór með hlutverk Margaret Thatcher, Corrin með hlutverk Díönu prinsessu og Colman með hlutverk Elísabetar II Bretadrottningar. Mikil reiði braust út á samfélagsmiðlum á meðal aðdáenda leikkvennanna í kjölfarið.
Þættirnir Smalle Axe hlutu flestar tilnefningar, alls 15, og The Crown hlaut í heild 10 tilnefningar.
Allar tilnefningar til verðlaunanna má lesa hér.
Fannari líst ágætlega á aðgerðirnar
Braut gegn konum í Eyjum
„Bíð bara eftir að það fari að gjósa aftur“
Kærir teiknara Vísis til siðanefndar
Kostnaðurinn nemur allt að þremur milljörðum
Myndskeið: Hátt í 140 lömb á tveimur sólarhringum
Fordæmir leyndarhyggju í skólamálum