Fjórða sería vinsælu spennuþáttaraðarinnar True Detective verður tekin upp á Íslandi en sögusviðið í Alaska. Hollywood Reporter greinir frá þessu. 

Stjörnuleikkonan Jodie Foster fer með aðalhlutverk í seríunni ásamt boxaranum, leikkonunni og fyrirlesaranum Kali Reis og mun hin nýja sería bera heitið True Detective: Night Country. Verður þetta frumraun Jodie Foster á sjónvarpsskjánum.

Í kynningu á þáttaröðinni segir: „Þegar veturinn skellur á bænum Ennis í Alaska hverfa sex starfsmenn rannsóknarsetursins Tsalal Arctic sporlaust. Rannsóknarlögreglumennirnir Liz Danvers og Evangeline Navarro munu þurfa að horfast í augu við myrkrið og kljást við það sem leynist undir þykkum íslögum norðursins.“

Tengdar fréttir

True Detective á Íslandi

True Detective slær áhorfsmet

• Leikarar True Detective elskuðu dvöl sína á Íslandi
• Komin með nóg af kulda eftir Ísland
• Nýjasta stikla True Detective vekur mikla athygli
• Drungaleg stikla birt úr True Detective

» Fleiri tengdar fréttir

• Blogga um frétt