Tónlistarmaðurinn Helgi Björnsson segist ætla að toppa sig í beinu streymi um verslunarmannahelgina. Undanfarna daga hefur Helgi safnað orku á ferðalagi um æskuslóðir sínar við Ísafjörð. 

„Það verður ekkert gefið eftir, hópurinn minn er orðin vel sjóaður í þessum útsendingum og nú ætlum við að toppa okkur með glæsilegri útsendingu,“ segir Helgi.

Það verður fullt hús af hæfileikum með Helga og Reiðmönnunum nú sem fyrr. „Við erum með frábæra gesti, söngvara sem allir elska en ekki bara það; það verða dansarar, sprengjur, besta veðrið og síðast en ekki síst þá verða allir sexí, allir,“ segir Helgi.

Streymið sameinar alla yfir Verslunarmannahelgina, því streymið næst „uppi á palli, inn í tjaldi og úti í skógi og vonandi skemmt' allir sér vel“.

Í ár verður sent út frá Tjörninni og kvöldskemmtun Helga og Reiðmannanna er aðgengileg öllum, hvar sem þeir eru í heiminum.

Streymið er á laugardagskvöldinu 30.júlí og hefst klukkan 21:00. Hægt að tryggja sér aðgengi í gegnum Símann, Vodafone og vVenue netstreymi.

Allar nánari upplýsingar er hægt að nálgast á www.helgibjorns.is.

Tengdar fréttir

Helgi Björns

Helgi auglýsir á Tenerife: „Íslendinganýlenda“

• Helgi Björns í beinni um verslunarmannahelgina
• Helgi toppaði sig í ljósum jakkafötum og strigaskóm
• Bubbi tryllti salinn og áhorfendur
• Harðsnúna Hanna er alltaf jafnheit

» Fleiri tengdar fréttir

• Blogga um frétt