Málsmeðferð Stormy gegn Cohen frestað
Setja bókamerki
Dómari við ríkisdómstól í Kaliforníu hefur gert 90 daga hlé á málsmeðferð klámmyndaleikkonunnar Stormy Daniels gegn Michael Cohen, lögmanni Donalds Trumps Bandaríkjaforseta.
Daniels höfðaði mál gegn lögmanninum til þess að fá samkomulagi um þögn hennar um samband við forsetann hnekkt. Cohen greiddi Daniels 130 þúsund Bandaríkjadali rétt fyrir forsetakosningarnar árið 2016 til þess að koma í veg fyrir að hún tjáði sig um meint samband hennar við forsetann árið 2006. Daniels hefur greint frá því að þau hafi sofið saman einu sinni en að Trump hafi margítrekað reynt að endurnýja kynnin.
Í frétt BBC kemur fram að dómarinn James Otero ákvað að gera hlé á málsmeðferðinni vegna mögulegrar lagaflækju sem gæti komið upp þar sem Michael Cohen sætir rannsókn lögreglu. Bandaríska alríkislögreglan FBI gerði húsleit á skrifstofu Cohen fyrr í mánuðinum. Leitin var gerð eftir tilvísun þess efnis frá Robert Mueller, sem stýrir rannsókn sérstakrar nefndar á meintum afskiptum Rússa af kosningabaráttu forsetans árið 2016.
Lögmenn Cohens hafa áður krafist þess að málsmeðferðinni verði frestað um þrjá mánuði þar sem málin skarast.
„Fólk þolir óvissu í ákveðinn tíma“
„Byggja varnargarð utan um fólkið okkar“
Hundrað prósent vampíra
Enginn tími til að hemla
Lyklakippur gegn ofbeldi
Áskoranir tóku að berast síðasta haust
Fólk í kosningateymi Höllu fékk milljónir frá OS