Flaggað í hálfa stöng næstu fimm daga
Setja bókamerki
Tengdar fréttir
Donald Trump fyrrverandi Bandaríkjaforseti
Donald Trump Bandaríkjaforseti hefur fyrirskipað að bandaríska fánanum skuli flaggað í hálfa stöng fyrir utan og á öllum opinberum byggingum næstu fimm daga til að syrgja fórnarlömb skotárásanna í El Paso í Texas og Dayton í Ohio í Bandaríkjunum.
„Þjóðin syrgir með fjölskyldum þeirra sem myrt voru í skelfilegu skotárásunum, sem áttu sér stað í El Paso og Dayton, og við deilum sársaukanum og þjáningunni með öllum fórnarlömbum þessara óskiljanlegu árása,“ sagði Trump í yfirlýsingu.
„Sem virðingarvott við fórnarlömb þessa hryllilega ofbeldis hef ég ákveðið að bandaríski fánanum verði flaggað í hálfa stöng fyrir utan og á öllum opinberum byggingum fram að sólsetri 8. ágúst.
Tvær skotárásir með stuttu millibili
Tuttugu manns létust í verslun Walmart í El Paso í Texas-ríki eftir að 21 árs gamall maður frá Dallas hóf skothríð þar inni í gær. Að minnsta kosti 26 særðust til viðbótar.
Níu manns létust í skotárás í Dayton í Ohio-ríki í nótt og að minnsta kosti 16 særðust. Árásarmaðurinn lést eftir að lögregla skaut hann til bana.
Tengdar fréttir
Donald Trump fyrrverandi Bandaríkjaforseti
Eldvörpin byrjuð að gefa eftir
Gæsluvarðhald yfir Davíð framlengt
Lögregla hafi hvatt til afturköllunar kæru
Forsetinn og utanríkisráðherrann látnir
Gegnum lykilhlutverki fyrir NATO
Ráðist á ferðamenn: „Það var blóð alls staðar“
„Þær áttu bara að læra sína lexíu“