Ráðleggur fólki að hægja sér sjaldnar

Forseti Brasilíu, Jair Bolsonaro, ráðleggur fólki að hafa hægðir aðeins annan hvern dag til að sporna við mengun og hlýnun jarðar.

Ummælin komu sem svar við spurningu blaðamanns í dag, sem snerist um hvernig hægt væri að halda áfram uppbyggingu landbúnaðar og vernda umhverfið á sama tíma.

Benti blaðamaðurinn á nýlegar skýrslur sem sýna að skógareyðing og landbúnaður eiga fjórðungshlut í gróðurhúsalofttegundum í andrúmsloftinu. Skógareyðing í Amazon-frumskóginum var nýlega sögð hafa aukist í valdatíð Bolsonaro en yfirmaður stofnunarinnar sem greindi frá því var látinn taka pokann sinn samkvæmt skipun forsetans.

„Það er nóg að borða aðeins minna,“ sagði hann svo í dag. „Þú talar um umhverfismengun. Það er nóg að kúka aðeins annan hvern dag. Það væri betra fyrir allan heiminn.“

BBC greinir frá.

• 1 blogg um fréttina

Bloggað um fréttina

• Þorsteinn Siglaugsson: Ókleif mannvitsbrekka