Lýsa yfir neyðarástandi í San Francisco
Setja bókamerki
Neyðarástandi hefur verið lýst yfir í borginni San Francisco í Bandaríkjunum vegna kórónuveirunnar COVID-19. Alls hafa 53 smitast af veirunni í Bandaríkjunum.
Embættismenn í heilbrigðisráðuneytinu vestanhafs sögðu í dag að það væri eingöngu tímaspursmál hvenær veiran færi að dreifa sér þar.
Borgarstjóri San Francisco, London Breed, lýsti yfir neyðarástandi fyrr í kvöld. Hún sagði að ástandið vegna veirunnar væri stöðugt að breytast og embættismenn í borginni þyrftu að vera á tánum.
„Við sjáum að veiran dreifist á nýja staði í heiminum daglega. Þess vegna gerum við það sem þarf til að verja borgina,“ sagði borgarstjórinn.
Alls hafa rúmlega 80 þúsund manns smitast af kórónuveirunni COVID-19, langflestir í Kína. 2.700 hafa látist en 27.800 hafa náð bata.
Banna mengandi búnað sem leyfður er á Íslandi
Bergnuminn í Hvalfirði
Gígbarmurinn hækkað frá því í gær
Shakespeare fannst í skókassa
Skiptir miklu meira máli en fólk grunar
„Umsátursástand“
„Höfum ekki náð að skríða upp úr þeirri gryfju“