Dómstóll í Íran hefur dæmt stjórnarandstæðinginn Ruhollah Zam til dauða, en Zam hefur verið í útlegð í Frakklandi um nokkurt skeið. 

Zam tók meðal annars þátt í mótmælum gegn írönskum stjórnvöldum. 

„Dómurinn álítur ákæruliðina 13 vera saman „spillingu á jörðu“ og hefur þess vegna fallist á dauðadóm,“ segir í yfirlýsingu dómstólsins. 

Íranskar öryggissveitir tilkynntu í október á síðasta ári að Zam hefði verið handtekinn og var honum lýst sem gagnbyltingarmanni sem hlýddi fyrirskipunum Frakka. 

Zam fékk einnig fangelsisdóm fyrir glæpi sína, sem eru á meðal þeirra alvarlegustu fyrir írönskum lögum. Til greina kemur að dóminum verði áfrýjað til Hæstaréttar Írans. 

Zam var áður búsettur í París og var sakaður af stjórnvöldum um að hafa leikið lykilhlutverk í skipulagningu mótmæla gegn stjórnvöldum veturinn 2017-2018.

Tengdar fréttir

Íran - mótmæli gegn stjórnvöldum

Hyggst ekki sýna konunum miskunn

• Handtóku fleiri en 100 manns vegna eitrananna
• Vita ekki hvort þetta séu eitranir eða móðursýki
• Rannsaka eitranir gegn írönskum stúlkum
• „Fjölskyldan er í áfalli“

» Fleiri tengdar fréttir

• Blogga um frétt