Nú þegar yfir tveir sólarhringar eru liðnir frá hinni risavöxnu sprengingu við Tonga hafa fyrstu gervihnattamyndirnar af umbrotasvæðinu verið birtar en gosið er eitt kraft­mesta eld­gos sem orðið hef­ur í seinni tíð.

Þetta kem­ur fram á síðu Eld­fjalla- og nátt­úru­vár­hóps Suður­lands á Face­book, sem haldið er úti af sér­fræðing­um. 

Þar segir að eyjan, sem áður myndaði hæsta punkt neðansjávareldstöðvarinnar, sé nú að nær öllu leyti horfin.

Einungis leifar af klettum nyrst og vestast virðast enn standa. Þetta sýnir mynd úr hinu evrópska Pleiades-gervitungli sem fór yfir svæðið í gær.

Frétt af mbl.is

Hvað gerðist í Kyrrahafinu í gær?

Enn er óljóst hvað nákvæmlega olli þessari gífurlegu sprengingu og hafnarbylgjunni sem fylgdi í kjölfarið. Nokkrar skýringar koma til greina, m.a. skyndilegt öskjuhrun (e. caldera collapse) eða gríðarmikil sprenging undir yfirborði sjávar.

Tengdar fréttir

Eldgos í Tonga-eyjaklasanum

Öflugasta eldgos sem mælst hefur

• Hundrað sinnum kraftmeira en sprengjan í Hiroshima
• Jafnvel hundarnir þaktir ösku
• Hjálpargögn komin til Tonga
• Tongverskur Íslandsvinur vill safna milljón dölum

» Fleiri tengdar fréttir

• Blogga um frétt