Kona og nýfætt barn létust í Maríupol
Setja bókamerki
Kona og nýfætt barn hennar létust eftir sprengjuárás Rússa á sjúkrahús í úkraínsku borginni Maríupol.
Átakanlegt myndskeið og ljósmyndir sem voru teknar eftir árásina, sem var gerð í síðustu viku, sýna konuna liggja blóðuga á sjúkrabörum.
Að sögn AP-fréttastofunnar var hún flutt á annað sjúkrahús eftir árásina. Þar fæddi hún barnið eftir bráðakeisara á laugardaginn.
Þegar konan áttaði sig á að hún væri að missa barnið sitt eftir keisaraskurðinn öskraði hún: „Drepið mig núna!“
Eftir að barnið hafði látist einbeittu læknar sér að konunni en þeim tókst ekki að bjarga henni og lést hún 30 mínútum síðar.
Rússar héldu því fram að úkraínskir öfgasinnar hefðu tekið yfir sjúkrahúsið og notað sem bækistöðvar sínar og að engin starfsemi væri á sjúkrahúsinu. Úkraínskir embættismenn hafa vísað þessu á bug og saka Rússa um að hafa framið stríðsglæp.
Íslendingar þurfa að fullorðnast í varnarmálum
/frimg/1/49/14/1491484.jpg)
Þrír bræður verða í sömu blokkinni
Komu á stórum gaffallyftara
Um 60 skjálftar í kvikuganginum
Barnalög endurskoðuð til að bregðast við
Þyrla kölluð út vegna umferðarslyss
Fræsa og malbika Reykjanesbraut