Hætta við brúðkaupsveislu í setri í eigu ríkisins
Setja bókamerki
Boris Johnson og Carrie Johnson sem giftu sig í maí í fyrra hafa nú hætt við að halda brúðkaupsveislu í setri í eigu breska ríkisins. Fyrirhuguð veisluhöld hafa mætt þó nokkurri gagnrýni eftir að fjöldi hneykslismála urðu til þess að Boris tilkynnti í fyrradag að hann ætli að segja af sér.
Mismælti sig þegar hann tilkynnti afsögnina
Boris hefur nú tilkynnt afsögn sína sem leiðtogi Íhaldsflokksins og að hann muni jafnframt stíga af stalli sem forsætisráðherra Bretlands. Það mun þó ekki taka gildi fyrr en að Íhaldsflokkurinn velur nýjan formann á næstu mánuðum.
Boris hefur verið sakaður um að hafa haldið í völdin sem forsætisráðherra að hluta til vegna þess að hann hafði nú þegar sent út boðskort í brúðkaupsveisluna. Fyrirhugað var að halda hana í Chequers, sveitasetri forsætisráðherra Bretlands, þann 30. júlí.
„Rígheldur í völd fyrir hinsta dansinn,“ stóð til að mynda í frétt fréttastofu Daily Mirror um málið. Það er jafnframt tilvitnun í veisluhöld í Downingstræti sem fóru fram á meðan á kórónuveirufaraldrinum stóð.
Þá hafa gagnrýnendur Boris sakað hann um að hafa haft fyrirhugaða veislu í setrinu í huga þegar hann tilkynnti afsögn sína fyrir utan Downingstræti í gær. Þá mismælti hann sig og sagði í ræðu sinni, „ég vil þakka öllu frábæra starfsfólkinu hér í Chequers“.
Hentugt gos fyrst gýs á annað borð
Litlar líkur á að hraunið nái til mannvirkja
Rússar sagðir útvega N-Kóreu milljón olíutunnur
Yfir 300 stæði fóru undir hraun
Þarf að koma til móts við ólíkar þarfir lækna
Nýtt fangelsi í landi Stóra-Hrauns tilbúið 2028