Rishi Sunak, fyrrverandi fjármálaráðherra Bretlands, varð efstur í annarri umferð atkvæðagreiðslu almennra þingmanna breska Íhaldsflokksins um arftaka Borisar Johnsons forsætisráðherra.

Niðurstöðurnar voru tilkynntar fyrir stuttu en BBC greinir frá því að Sunak fékk 101 atkvæði og í öðru sæti varð Penny Mordaunt, aðstoðarviðskiptamálaráðherra, með 83 atkvæði.

Suella Braverman dómsmálaráðherra fékk fæst atkvæði, alls 27, og er því dottin úr leik en atkvæðagreiðslurnar á þinginu halda áfram uns tveir frambjóðendur standa eftir. Búist er við að það verði áður en breska þingið fer í sumarfrí 22. júlí.

Frétt af mbl.is

Nýr forsætisráðherra kynntur 5. september

Næst kosið á mánudag

Í gær var einnig kosið en þá duttu út Nadhim Zahawi fjármálaráðherra og Jeremy Hunt, fyrrverandi utanríkis- og heilbrigðisráðherra.

Næst verður kosið á mánudag en ásamt þeim Sunak og Mordaunt eru Liz Truss utanríkisráðaherra, Tom Tugendhat, formaður utanríkismálanefndar þingsins og Kemi Badenoch, fyrrverandi jafnréttismálaráðherra, í leiðtogakjörinu.

Tengdar fréttir

Boris Johnson segir af sér

Líkir veðmálabraskinu við „Partygate“-hneykslið

• Boris átti erfitt með að meðtaka vísindaleg gögn
• Villti um fyrir þinginu í Partygate-máli
• Johnson þarf að svara fyrir „Partygate“
• Sjálfsævisaga sem verður „engri annarri lík“

» Fleiri tengdar fréttir

• Blogga um frétt