Mótmæla væntanlegri aftöku tveggja manna
Setja bókamerki
Tugir manna mótmæla nú fyrir utan fangelsi í Íran þar sem tveir menn sitja inni og bíða eftir að verða teknir af lífi fyrir mótmæli gegn ríkisstjórninni.
BBC greinir frá þessu en Mohammad Ghobadlou, móðir annars mannsins, stóð fyrir utan fangelsið í borginni Karaj og bað um miskunn fyrir son sinn.
Á laugardag voru tveir hengdir fyrir mótmæli í ríkinu.
Þriðja og fjórða aftakan
Mannréttindaráð Sameinuðu þjóðanna sagði aftökurnar á Mohammad Mahdi Karami og Seyed Mohammad Hosseini hafa verið „herfilegar“ og að réttarhöld yfir þeim hafi verið ósanngjörn og byggða á þvinguðum játningum.
Karami og Hosseini voru fundir sekir fyrir „spillingu á jörð“ vegna meintri hlutdeild þeirra í morði á liðsmanni í sjálfboðasveitum Basji, sem eru hliðhollar stjórninni, í nóvember. Báðir mennirnir neituðu sök og sögðu að þeir hefðu verið pyntaðir.
Karami og Hosseini voru þriðji og fjórði einstaklingurinn til þess að vera tekinn af lífi fyrir að hafa tekið þátt í mótmælunum í Íran sem byrjuðu í september eftir dauða Mahsa Amini, sem lést í haldi lögreglunnar.
111 bíða dauðarefsingu
Talið er að 519 óbreyttir borgarar hafi látist í mótælunum og 68 liðsmenn öryggissveitanna. Þá hafa tæplega 20 þúsund manns verið handtekinn og talið er að 111 af þeim eigi í hættu á að vera dæmdir til dauða.
Fólk safnaðist saman fyrir utan Rajai Shahr fangelsið í gærkvöldi eftir að greint var frá því að Mohammad Ghobadlou, sem er 22 ára, og Mohammad Boroughani, sem er 19 ára, hefðu verið færðir í einangrun til þess að bíða aftöku.
Alvarleg netárás á Wise
Funda með þingflokkum
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
Barn lést í árásinni
Þetta eru ráðherrar ríkisstjórnarinnar
