Erlent | AFP | 19.4.2023 | 19:14 | Uppfært 21.4.2023 10:29

Lík á víð og dreif um götur Kartúm

Fjöldi íbúa Kartúm í Súdan flýja nú höfuðborgina, vegna harðra bardaga á milli Súdanhers og uppreisnarhersins RSF. AFP

Þúsundir íbúa hafa flúið borgina Kartúm, höfuðborg Súdan. Sjónarvottar segja lík liggja á víð og dreif um götur borgarinnar, eftir harða bardaga milli Súdanhers og uppreisnarhersins RSF eftir að ekki tókst að halda umsamið vopnahlé.

Frétt af mbl.is

Hátt í 100 manns látnir

Sameinuðu þjóðirnar áttu frumkvæði að vopnahléinu, en með því átti að gefa óbreyttum borgurum færi á að flýja átakasvæðin og hjálparsamtökum að koma neyðaraðstoð og vistum inn á svæðið.

Átökin, sem hafa staðið yfir í fimm daga í Kartúm og víðar í Súdan, hafa orðið að minnst 185 manns að bana samkvæmt nýjustu upplýsingum Sameinuðu þjóðanna.

Lyktin af líkum fyllir loft borgarinnar

„Lífið í Kartúm er ómögulegt ef þetta stríð hættir ekki,“ sagði Alawya al-Tayeb sem var á leið í burt frá höfuðborginni. „Ég reyndi að vernda börnin mín frá því að sjá líkin á götunum,“ sagði hún.

Íbúar borgarinnar segja nálykt fylla borgina.

Frétt af mbl.is

Hátt í 100 manns látnir

Diplómatar og starfsmenn utanríkisþjónustu í landinu hafa einnig orðið fyrir árásum. Að sögn Martin Griffiths, umsjónarmanns neyðarhjálpar Sameinuðu þjóðanna, hefur stofnunin einnig fengið tilkynningar um árásir og kynferðisofbeldi gegn hjálparstarfsmönnum. Ríkisstjórnir hafast nú við að flytja þegna sína úr landinu eins fljótt og auðið er.

Fólk á leið burt frá Kartúm. Íbúar segja lyktina af líkum fylla loftið í borginni, en talið er að um 185 manns hafi látist eftir að umsamið vopnahlé var ekki virt. AFP

Segjast báðir hafa yfirráð

Átökin kviknuðu vegna valdabaráttu á milli hershöfðingjanna Abdel Fattah al-Burhan, yfirmanns herforingastjórnarinnar í Súdan, og næstráðanda hans, Mohamed Hamdan Daglo, en hann hefur stýrt vígasveitunum RSF (Rapid Support Forces) að undanförnu.

Ósætti kom upp þeirra á milli, vegna fyrirhugaðar sameiningar hersveitanna. Daglo mun ekki hafa fellt sig við áformin, en það var talið lykilatriði í því að færa stjórnartaumana í landinu aftur til borgaralegra afla eftir valdarán hersins árið 2021.

Frétt af mbl.is

Valdaránstilraun virðist hafin

Burhan og Dagalo hafa áður verið bandamenn, en þeir sameinuð krafta sína til að steypa einvaldinum Omar-al Bshir af stóli árið 2019.

Báðir hershöfðingjarnir segjast hafa yfirhöndina í bardaganum, en ekki hefur verið hægt að staðfesta hvoruga staðhæfinguna. Viljaleysi þeirra beggja til að virða vopnahléið, þrátt fyrir mikinn þrýsting frá alþjóðasamtökum, bendir til þess að báðir hershöfðingjar séu viljugir til að gera nánast hvað sem er til að ná völdum.