Hópur háhyrninga réðst á bát við strendur Spánar á þriðjudaginn með þeim afleiðingum að gat kom á bátinn. Sjór byrjaði fljótlega að seytla inn í bátinn og þurfti að kalla til viðbragðsaðila til að koma í veg fyrir að báturinn sykki.
Fréttastofa Reuters greinir frá þessu.
Háhyrningar hafa verið til vandræða við strendur Spánar á árinu en nú þegar hafa tugir atvika verið tilkynnt þar sem þeir skemma eða ráðast á skip eða báta.
Sjóbjörgunarsveitir á svæðinu svöruðu kallinu og voru fljótlega komnar á vettvang og gátu dregið bátinn í land áður en hann sökk. Fjórir voru um borð þegar atvikið átti sér stað en enginn slasaðist.
Hér fyrir neðan er hægt að sjá myndskeið af atburðinum.
In the early morning Thursday, killer whales smashed into a sailboat off the southern coast of Spain, puncturing its hull and damaging its rudder. Spanish authorities raced to save the sinking vessel, according to Reuters, but it was in such disrepair it had to be towed ashore.… pic.twitter.com/b7B9LXy5MJ
— The Washington Post (@washingtonpost) June 3, 2023