Þrír gíslar hafa verið látnir lausir úr yfirstandandi gíslatöku í miðbæ hollenska bæjarins Ede.
Frá þessu greinir lögreglan í Hollandi á miðlinum X.
Update Ede: Er zijn zojuist drie gegijzelden vrijgelaten. De situatie is hiermee nog niet ten einde. ^AM
— Politie Gelderland (@POL_Gelderland) March 30, 2024
Það var snemma í morgun sem lögreglan í Hollandi óskaði eftir því að fólk héldi sér innandyra vegna gíslatöku í miðbæ hollenska bæjarins Ede.
Um 150 heimili hafa verið rýmd vegna þessa samhliða öðrum aðgerðum lögreglu, en bæði óeirðalögreglan og sprengjusérfræðingar eru á vettvangi.
Ekki liggur fyrir hversu margir eru í haldi en fjölmiðlar á svæðinu hafa greint frá því að fjórir eða fimm manns séu að verki, að því er fréttaveita AFP greinir frá.