Landsréttur hefur staðfest úrskurð Héraðsdóms Reykjavíkur um að haldlagningu héraðssaksóknara á verulegum fjármunum í tengslum við viðamikla rannsókn skattrannsóknarstjóra á Sigurði Gísla Björnssyni fiskútflytjanda og fyrirtæki hans, Sæmarki.

Fram kemur í úrskurði héraðsdóms að ætluð brot beinist að vantöldum skattstofni árin 2011-2016 upp á tæplega 1,3 milljarða króna og teljist því stórfelld.

Frétt af mbl.is

Húsleit hjá fiskútflytjanda

Lagt var hald á fjármuni í íslenskum krónum, bandarískum dollurum, breskum pundum, evrum og kanadískum dollurum að upphæð tæplega 153,5 milljónir króna miðað við gengi þegar haldlagning fór fram en húsleit fór fram á skrifstofu Sigurðar Gísla 15. desember.

Málið má rekja til gagna sem keypt voru erlendis og sýndu fram á tengsl íslenskra skattgreiðenda við félög í skattaskjólum. Í kjölfarið hóf skattrannsóknarstjóri rannsókn á málinu.

Tengdar fréttir

Sæmarksmálið

Telur ný gögn sanna enn frekar vanhæfi

• Lögfræðingar eiga að kunna lögin
• Telja rannsóknarmann vanhæfan
• Fer fram á frávísun í Sæmarksmálinu
• Fyrirtöku í Sæmarksmáli frestað

» Fleiri tengdar fréttir

• Blogga um frétt